Divarı sökmədən sızmanı necə tapırıq
Ənənəvi yanaşmada usta şübhəli yeri sökür, tapmadıqda növbəti yerə keçir. Nəticədə kafel, laminat və divar zədələnir, təmir xərci sızmanın özündən baha başa gəlir. Biz isə əvvəlcə ölçür, sonra açırıq.
İsti su xəttində və isti döşəmədə termal kamera borunun ətrafındakı temperatur fərqini göstərir. Soyuq su xəttində akustik cihaz təzyiq altındakı suyun səsini döşəmənin altından eşidir. Rütubətölçən isə divardakı nəmin yayılma istiqamətini müəyyən edir. Bu üç üsul birlikdə sızmanın yerini 10-20 sm dəqiqliklə tapır.
- Döşəmə altındakı borular
- Divar içindəki xətlər
- İsti döşəmə sistemi
- Kombi və radiator xətti
- Hamam və duş altı
- Kanalizasiya birləşmələri
Qiymətlər
| İşin növü | Qiymət |
|---|---|
| Sızmanın cihazla axtarılması | 50-100 AZN |
| Nöqtəvi açılış və təmir | 40-80 AZN |
| İsti döşəmə sızmasının təmiri | 60-120 AZN |
| Təzyiq testi (opressovka) | 30-50 AZN |
| Kafelin geri döşənməsi | razılaşma ilə |
Axtarışın qiyməti mənzilin sahəsindən və xətlərin sayından asılıdır.
Sızmanı necə tanımaq olar
Bütün kranları bağlayın və su sayğacına baxın. Rəqəmlər 15-20 dəqiqə ərzində dəyişirsə, xəttin harasındasa su gedir. Kombili mənzillərdə isə təzyiqin heç bir səbəb olmadan düşməsi istilik xəttində sızmaya işarədir.
Digər əlamətlər: divarın aşağı hissəsində qaralma, laminatın şişməsi, kafel fuqasında qaralma və otaqda kif qoxusu. Daha ətraflı siyahını gizli su sızmasının əlamətləri məqaləmizdə yazmışıq.